Савенко Әдилә, 5 яшь.

Авылга әбием янына кунакка без бик еш кайтеп йөрибез. Анда төрле-төрле өйләр бар. Араларында агачтан ясалганы да таштан ясалганы да очрый.
Өйне ни өчен һәм ничек төзиләр икән? Без шул хакта белергә теләп, эзләнү эшләре алып бардык.
Беренче эш итеп без өй сурәтләре мисалына карап рәсемнәр ясадык. Шигырьләр укып уеннар (дидактик һәм сюжетлы) уйнадык.
Безгә агачтан ясалган йорт күбрәк ошады. Чөнки агач өй җылы, матур һәм һавасы саф була икән.
Тирән тамырлы агачны давыллар тиз генә аудара алмый. Шул мисалга карап кешеләр йортның таштан нигезен салганнар –  ташлар белән ныгытканнар. Ә менә шәһәрдә салына торган биек  йортларны җиргә свай кагып утырталар икән. Алар биек агачның тирән тамырларын хәтерләтәләр.